點新聞 ｜ 每日點新聞 點解香港事

【點新聞報道】堪輿學家麥玲玲帶領黃紫恩（Jojo）、蔡景行（行仔）主持的《玲玲友情報》，前晚（14日）一集主題為「情人節唔係咁樣過」，嘉賓是導演葉念琛。

前晚（14日）情人節撞正年初五，玲玲師傅表示每逢大節會比閒日還要忙。情人節當日是一班人吃晚飯度過，她笑說：「新年嗰幾日都喺澳門做嘢，情人節嗰日專登返香港，主要係同內地歌手張哲瀚一班朋友聚聚，老公都有一齊。星期五佢喺Expo會有演唱會。」玲玲師傅笑言拍拖時期，都有收過老公的花，現在已是「老夫老妻」已不興這一套。講到既浪漫又搞笑一次，是多年前老公錄了一餅卡式帶到沙灘聽，玲玲師傅笑說：「啲歌聽落好怪，我仲問佢你買翻版呀，原來係老公自己唱。」玲玲師傅自言當場交足戲給老公，表示非常欣賞。

前晚嘉賓是導演葉念琛，擅長拍攝愛情片的他，一再提到靚仔溝女未必有着數：「靚仔唔一定桃花旺，反而佢哋太孤芳自賞。」他更向行仔面授追女秘技：「你唔好成日問人食咗飯喇，係打唔開話題。你直接send『我愛你』，跟住話『send錯，不過都係真嘅』。嚇一嚇佢，睇下乜嘢反應，或者佢都等緊你呢。」

行仔事後表示暫未有對象，他笑說：「或者send『我愛你』畀導演，睇下下次有冇演出機會。」他提到情人節一般都是跟家人一起過，當日各人都外出，他說：「所以情人節為咗有啲活動，專登出門口一個人食咗個三人炸雞餐，其實都幾正㗎。」

此外，Jojo非常認同葉念琛「靚仔唔係大晒」的理論，並列舉三項條件，只要具備當中兩項，追女仔便可以無往而不利：「其實溝女三樣嘢，錢、口才、自信，有兩樣就點都贏。」

（點新聞特約記者陳惠芳報道）

相關報道：

數出阿佘五大筍點　阿Bob：單是唔使你養已加分