點新聞 ｜ 每日點新聞 點解香港事

好多港人移民沒有工人姐姐，打掃、煮飯全部一腳踢。近日有移英港人在網上大呻「很累，太多家務」，引來不少同路人感同身受，大嘆「嚟到英國家務、煮飯、執屋、買餸...無限loop」，有人話要打兩份工嚟交租，直指「嚟到英國只係忙生存幾乎冇生活」。

該名移英港人在fb群組「英國今晚食乜餸」發文，寫道：「很累，太多家務」，短短幾隻大字，道盡了一切無奈與辛酸。帖文引來同路人關心，勸樓主不要過勞，「可以唔做就唔做，可以叫人做就叫人做，一個禮拜唔煮幾餐，叫外賣、食急凍餐etc，日常簡單煮，加油！」、「長命功夫長命做，唔好逼自己做到100分，做60就好，攰就去休息吓，家務做唔晒好正常，保重啊。」

另有不少同路人感同身受，自言是「同道中人」，指香港工作忙，英國生活忙！有人留言表示，「我仲要打兩份工嚟交租，只係唔駛湊仔咋，嚟到英國只係忙生存幾乎冇生活」，有人亦指「我有朋友都打緊兩份工，加理老婆都有份工，先緊緊夠供樓&生活費。大家都要繼續加油呀!」

有人則得過且過，話「我都有返工，平日屋企人洗一機衫，我weekend開兩機，唔好問我對上一次洗床單係幾時，so far無人話瞓身痕就算....試過懶到無煮菜，刨碌青瓜切開三舊，一人咬一舊」。