【點新聞報道】無綫節目《中年好聲音2登峯之戰》將於周日（24日）舉行，7位參賽者將爭奪最終殊榮。大會日前公布，評判團除肥媽、張佳添、陳慧嫻、伍仲衡及周國豐外，還邀來楊千嬅擔任嘉賓評判，更邀來蔡琴擔任表演嘉賓。
評判名單公布後，當中楊千嬅惹來不少網民正負熱議，有網民在社交平台留言指千嬅的實力在最後7強之下，並建議邀請蔡琴、陳潔靈或杜麗莎等擔任嘉賓評判。另有網民支持千嬅：「千嬅做評判都要比你哋鬧？你要搵晒啲唱歌好掂嘅？仲有千嬅唱歌根本唔差，國內咁多歌手佢都可以咁紅，證明唱功！佢喺國內開演唱會門票秒殺，證明人氣！請佢做嘉賓有何不可？難道伍仲衡識唱歌？」
伍仲衡躺着中槍，在社交平台轉發該帖文，並留言：「冇常識嘅人先會覺得做歌唱比賽評判一定要唱歌好聽。」同時他也在留言區寫道：「大家的熱烈討論，足以證明呢個節目有幾成功！以前成人睇樂評同影評，從來冇覺得啲樂評人要識作，從來冇覺得啲影評人要識拍戲，道理一樣啫！」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
