【點新聞報道】無綫今日（31日）於會展舉行《2024TVB年中節目巡禮》，黎耀祥、陳豪、馬國明、譚俊彥、林夏薇、高海寧等等近百演員出席，向廣告客戶推介節目，場面熱鬧。
期間播放多位重頭劇精彩片段，當中包括《企業強人》、《反黑英雄》、《黑色月光》、《巾幗梟雄之懸崖》等，還有綜藝節目《聲夢傳奇3》、《中年好聲音3》等等。近來受捧的陳曉華（Hera）佔三劇最多成為「劇后」，袁偉豪則憑着《反黑英雄》及《法證先鋒VI倖存者的救贖》成為最多產男藝人。
Hera下半年共有三部劇集孭飛，是眾藝人之冠。她開心表示：「上年拍咗好多劇冇停過，希望可以一次過播晒出嚟。（受公司力捧？）我每個機會都會好努力同珍惜。最期待係遠古時代拍嘅《異空感應》，因為再唔出個樣就唔同。（地位大躍進？）我知喺大家心目中我嘅演技仲係好BB級，希望大家睇到我有努力同進步。（預計頒獎禮攞獎？）我希望成為大家喜歡嘅角色就好開心，獎項隨緣。」對到有傳她與方力申曾秘戀？她斷言否認：「唔係，冇咁嘅事，呢兩年都冇聯絡。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
