黃圈最鍾意花式呃「手足」，已經走佬日本、號稱「黃圈第一Youtuber」的「大J」（周世鏗）近日喺fb發帖，話考慮緊打算用三個月時間去環遊世界，但為咗節省旅費，想全程借宿同路人屋企喎。不少網民都揶揄佢「習慣消費『手足』！叻仔！」、「又想眾籌，騙遊，騙住，騙食」、「要帶夠紙皮」。
「大J」在帖文表示，考慮緊打算用三個月時間去環遊世界，最快秋天出發。但為咗節省旅費，佢就試探性咁問同路人「有冇可能全程借宿觀眾屋企呢？瞓地板有瓦遮頭有得叉電就ok㗎喇～」。不過，佢之後又戴返頭盔話，「應該都係去10幾個國家。亞洲同東南亞唔會去，南北極唔會去，淨係歐洲非洲北美南美… 其實可能唔使用3個月咁多㖭」。
不少網民嘲笑佢唔敢返香港，「香港可以skip」、「大J香港一落機，國安已經等佢」、「南亞都有強力部門守候」。
翻查資料，「大J」去年在其頻道上載一條名為《真相》的影片，承認在2019年曾發起「我想食沙律」眾籌，幫助暴徒潛逃離開香港，最終籌得約30萬元。
收藏
取消收藏
分享
稿件由上傳 · 文責自負 · 不代表本網立場
