點新聞 ｜ 每日點新聞 點解香港事

珍貴！有網民近日分享母親於1950年住在荃灣時的中電賬單，照片隨即引來網民大讚「存收據，真係勁」「當年35蚊都好多㗎嘞」，更有人指「可以憑單取回按金」。

該名網民在fb群組「尋找舊村情意結(大窩口 新區 各區)」上載圖片，表示「我阿媽keep到而家，荃灣海壩村1950年」，可見該賬單顯示的日期為1950年5月22日，地址為荃灣海壩村，需繳交35元電費，中電事後發出「存款收據」。雖然事隔74年，收據因年代久遠而泛黄了，但仍保存得非常完整。

不少網民大讚「珍貴，咁係保存得好好」、「存收據，真係勁」、「手字好靚」；有網民指50年代地盤工人月薪只有60元，「當年35蚊都好多㗎嘞！張按金單仲保存得好好」、「1950年35元真係好多錢啊」。

有人則議論是否仍可取回按金，「該按金是否仍然有效？」「如果個電錶仲未取消，我估仲仍然有效」「Deposit 會退還，所以先保留。不過，家陣可能唔需要。」「按金沒有升值」「可以憑單取回按金」。

對於有網民提議將賬單過膠，不少人都表示反對，指「過咗膠就失真」「過膠作廢」「張收條矜貴在真係可以收返錢，過咗膠就冇咁正」「千祈不要過膠，一過咗失真收臧價值便低了，去集郵公司買一些特别膠套套著吧，可減慢纸質變化」。