「埋嚟睇，埋嚟揀」原本好正常，不過有網民近日發現，有街市生果檔貼出告示禁止揀橙，明言「一旦發現馬上報警」，有關告示旋即引起網民熱議，反應兩極。
有網民於fb群組「全港店舖消息（開張/執笠）關注組」上載相片，顯示有生果檔張貼告示，寫上「揀橙唔畀錢，一旦發現馬上報警處理，多謝合作。」樓主認為，從生果檔店主的舉動可以反映部分香港老闆做生意的心態，直言「生意唔好係有原因」。
帖文一出，引來不少網民熱議，有人表示支持檔主，「最憎啲人揀嚟揀去」、「因為有D人左揀又揀，揀到爛晒，又唔買，所以人地先貼張咁嘅告示。」、「有啲師奶真係好討厭，揀晒、㩒晒每個橙...之後唔買」。有人則認為店主處理手法有問題，「點解揀橙要畀錢呀？」、「即係摸下都要畀錢？」、「幾時開始揀橙都要另外畀錢？」、「我想知佢報完警，差佬嚟到又如何？告我揀橙唔俾錢？」、「咁巴閉冇得食都唔會幫襯」。
收藏
取消收藏
分享
稿件由上傳 · 文責自負 · 不代表本網立場
