揀錯落腳地連翻親歷罪案 移英港媽擔驚受怕

英國治安狀況日益惡化，有移英港媽發文訴說親歷罪案在身邊發生，她忠告就算資金上有限制，都要問下人英國各地的安全情況，否則就會好像她每日都要擔驚受怕。

該名移英港媽於去年5月初到曼城，選在M18 Gorton落腳，皆因當時懷有身孕，資金上限，便在當地租了一間比較新淨裝修的屋。她憶述，去年12月，當小孩4個月大時，曾於中午時份用揹帶帶小孩到附近公園King George V Park散步，大概5分鐘的路程。豈料，「離開公園時，突然有架私家車直衝埋嚟，4個人落車用槍指住我同BB大叫！『「Don’t move!! Get out of the car!』」，當時她十分害怕，只好邊跑離現場，邊回頭看過究竟。

港媽其後發現是警方緝毒，相信是有毒品交收，「原來嗰4個係警察，叫我啱啱經過架車入面嘅人落車，但我只係聽到㗎車揸得好快咁走咗」。其實，她之前對區內毒品問題耳有所聞，「遇到個鬼佬爸爸提過話呢邊有人吸毒，叫我哋小心啲」。

禍不單行的是，今年2月，當時家中只有港媽同小孩，她憶述「有人敲門問可唔可以幫手收隔離屋嘅包裹，因為無人收」，因為之前都試過幫忙，所以她便答允。然而，「個男人叫我去佢㗎車到攞，我出咗門口覺得奇怪，點解係Uber呢，問佢係唔係好大個包裹要我去幫佢搬，點知佢同車上嘅人講『She is a Chinese lady, she looks nice.』」港媽即時心中警鈴大響，「我驚到即刻返入屋鎖門」，但對方卻未有離開，大約15分鐘才駛走。港媽後來更發現隔離屋有人在屋內。

不少網民看過後，都戥港媽捏一把汗，「好危險喎」、「除非訂咗嘢/隔籬鄰舍，一般唔會亂咁開門」、「如果綁架埋你上車真係不堪設想」、「M18 係近乎全Manchester最差嘅地區，連印巴都話唔好住呢度，你就知治安幾差。無論幾平租金都唔適宜住，盡快搬走啦」。