【點新聞報道】堪輿學家麥玲玲帶領施焯日（Arthur）及蔡景行（行仔）主持《玲玲友情報》，今晚（13日）一集請來林子善做嘉賓，出名是喊包的他自揭「淚之秘密」，並澄清台慶頒獎禮跪拜風波及「鐵馬家族」不和之謎。
子善說：「我以前拍喊戲係超差，一定喊唔到，第一個指導我嘅人就係子華神。」子善指當時與子華神合作《奸人堅》，子華神知道他拍喊戲有困難後，親自傳授他一招應付喊戲。除了子華神，子善亦曾與影帝張家輝合作電影《化骨龍與千年蟲》，他笑指對方很文靜， 更會在片場看書。
子善自認是傳統中國男人，喜歡把所有事情攬上身，直到太太生BB才頓感無助，他說：「睇我老婆生小朋友，痛到好似驅魔人咁，我以為自己咩都做到，但原來係乜嘢都做唔到。」子善又笑指自己以前不是大喊包，直到女兒出世後才開始變得眼淺。
提到於《萬千星輝頒獎典禮2023》榮獲「最佳男配角」，子善坦言事前沒有想過會獲獎，並大爆獲獎前的小插曲：「當晚係好緊張，當日我同一位高層擦身而過，但佢行過咗之後行番轉頭同我講：『如果拎到獎，千祈唔好喊呀！』因為平時同高層都唔會接觸，當時覺得佢只係講吓啫。」最終子善真的獲獎兼跪地拜謝一幕成為熱話，對此子善澄清當日只是拜謝父母：「點解你可以嚟呢個世界？就係因為你父母，我哋中國人傳統就係叩拜，我好清楚咁話畀大家知，呢一跪其實係多謝父母。」他又談到「鐵馬家族」的鄭嘉穎、馬國明、唐詩詠及黃嘉樂，對於嘉穎近年因經常缺席聚會惹來與「鐵馬家族」不和傳聞，子善為「大哥」嘉穎講公道說話。
（點新聞特約記者陳惠芳報道）
更多閱讀：
收藏
取消收藏
分享
稿件由上傳 · 文責自負 · 不代表本網立場
