點新聞 | 每日點新聞 點解香港事

每日點新聞 點解香港事
下載APP
標籤

軒仔感恩當年带走埠 Sammi青春奉獻工作fans不離爆喊

Sammi勾起回憶,淚流滿面。

【點新聞報道】鄭秀文(Sammi)昨(14日)晚在紅館舉行第三場「You&Mi 鄭秀文世界巡迴演唱會2023」(Rescheduled ),開騷前她在後台玩夾盲盒扭蛋,又跟自己新碟《SOUND OF MI》一比一人形紙板布置合照,非常興奮。

軒公擔任嘉賓。

昨晚Sammi換上新裝,穿着皮革晚裝配金屬頸飾,與表演嘉賓張敬軒合唱。當她介紹軒仔出場時笑說:「我叫佢『阿仔』,但依家啲人叫佢『阿公』。」然後軒仔從升降台出場時,全場歡呼,合唱《笑忘書》後,軒仔輕吻Sammi手背,觀眾尖叫。

Sammi說軒仔升呢做軒公。

Sammi對軒仔說:「好多年前你做過我演唱會嘉賓。(係呀!)咁你嗰陣時叫做軒仔⋯⋯(依家都係㗎!)依家就叫做軒公,即係升咗呢,仲要係幾何級咁升添!」軒仔說:「我唔知呢個名係邊度嚟?起碼要去到阿公嘅年紀先啦!」Sammi揚言之前兩場嘉賓都是比較新一代的歌手,軒仔細細聲說:「其實我讀緊書嗰陣都有睇《大頭綠衣鬥殭屍》⋯⋯依家我開騷,有時啲後輩嚟到,例如噚晚嗰個後輩歌手(林家謙),佢話九歲聽我首《酷愛》!今晚輪到我,山水有相逢。」全場爆笑。

軒仔說:「我要好多謝Sammi,佢係我恩人。其實唔多歌手會帶我呢啲新人出埠表演,但我好開心,當年我仲係新人嘅時候,Sammi帶我去到馬來西亞做佢演唱會嘅表演嘉賓,我好多謝佢!」Sammi說:「其實一代一代咁樣帶出嚟,你依家都係大人,要帶新人出嚟!」然後軒仔唱《隱形遊樂場》。

Sammi在encore時,越唱越興奮。

昨晚Sammi特別感性,在演唱電影主題曲環節時,眼淚決堤。她唱出過去十次提名金像獎最佳女主角獎項的電影歌曲時,看見電影片段和全場觀眾大合唱,她感觸落淚。她說:「好多謝你哋替我高興,唔知係咪人老咗就容易感觸,頭先睇返一啲自己電影嘅歷程,嘩,原來我嘅青春、我嘅少艾、我畢生嘅努力都放咗喺工作裏面,一眨眼就已經過咗三十幾年。我今日開演唱會,見到依然有咁多人支持,一直陪伴我成長嘅你哋,我覺得好感觸和感動,令我覺得將我青春奉獻晒喺工作上面係好值得。好多謝由我蛋白質少女,嚟到今天已經係中年婦人,你哋都仲咁支持我。」然後Sammi唱《萬物有時》時淚如雨下,幾乎唱不下去,全場歌迷掌聲和歡呼聲打氣。

演唱會尾聲,Sammi唱出舊作《記認》,並走近觀眾席。期間她看到大銀幕的自己兩臂結實三頭肌時,不禁大叫:「嘩,OMG,好有型呀!」

(點新聞特約記者陳惠芳報道)

相關報道:

開騷請得林家謙如表親 Sammi做表姐手拖表弟合唱

(有片)「安心事件」後首次同台 Sammi開騷與安仔對唱

收藏收藏
取消收藏取消收藏
稿件由上傳 · 文責自負 · 不代表本網立場

軒仔感恩當年带走埠 Sammi青春奉獻工作fans不離爆喊

收藏收藏
取消收藏取消收藏
稿件由上傳 · 文責自負 · 不代表本網立場
相關推薦