【點新聞報道】加入香港樂壇兩年、現年43歲的龍婷，在去年的無綫歌唱選秀節目《中年好聲音》，大熱倒竈奪得第四名，之後順理成章簽約成為無綫旗下藝人。近日有報道指龍婷與資深演唱會製作人、現年65歲的丘亞葵約會睇戲，更被影到在車廂內激咀，龍婷又被指將手放到丘亞葵的屁股上輕輕拍打。
有報道指，當日丘亞葵親自駕車在龍婷出席活動的場地附近等候她，兩人先到了九龍灣一家商場，龍婷走到一家車仔麵店搵位，丘亞葵則到戲院買電影《九龍城寨之圍城》戲飛。之後兩人一起用餐，有說有笑，其間有粉絲認出龍婷要求合照，丘亞葵亦會耐心等待。兩人食完米線取車，龍婷還翹住丘亞葵的手臂，當走到僻靜無人之處，龍婷更把手放到丘亞葵的屁股上，並輕輕拍打了幾下。二人在車廂內情到濃時，龍婷甚至主動輕搭對方膊頭，然後兩人便親吻了起來。
龍婷回應傳媒查詢時稱，要與公司商量才能作回應，「我而家等緊公司覆先可以講畀記者聽，而家仲未確實，公司仲未答我。」她說：「我有自己諗法，同佢哋（公司）溝通咗，睇吓佢哋點樣覆。」
丘亞葵接受訪問時澄清：「我係已婚嘅人，同龍婷清清白白，見面只係為工作，其實啲相係兩個月前嘅事，嗰日我哋約咗傾演唱會，因為都夜晚啦，我有啲肚餓，咪叫佢一齊落公司樓下食小小嘢，同埋出戲咁hit，買飛入場支持吓業界，（有親密舉動喎？）拍Pat係角度啫，我都感覺唔到佢拍我，講到激咀仲誇張，只係朋友式嘅Hello Kiss，錫咗一啖面，唔係大家諗到咁，我同老婆結咗婚好耐，亦已經同老婆解釋清楚，我都唔係咁嘅人。」
據知，丘亞葵已婚，老婆是前無綫製作統籌，有一名女兒在日本留學。
相關閱讀：
收藏
取消收藏
分享
稿件由上傳 · 文責自負 · 不代表本網立場
