點新聞 ｜ 每日點新聞 點解香港事

【點新聞報道】自1904服務至今，香港電車有幸陪伴幾代香港市民走過高山低谷，將於7月30日正式踏入120歲生日！「叮叮」今次就邀請咗另一位土生土長嘅好朋友「麥兜」同行，一齊將笑聲滿載叮叮。

聽講「麥兜」仲帶埋「麥太」、「校長」及「Miss Chan」準備咗唔少生日驚喜畀大家，仲有更多驚喜即將解鎖！

「麥兜」「叮叮」打孖上

為隆重其事，120號電車罕有地換上新裝，望一望車身兩側，你仲可以見到車身重現梯級式「1、2、0」字眼，夠晒經典！而頂頭電阻箱亦都髹上淡粉紅、日光黃及海洋藍3種醒目顏色，好似戴住頂生日帽。Go Go Go！出發！

麥兜約定你坐全港最古老「叮叮」120號電車！

今個暑假，麥兜約定你坐全港最古老「叮叮」120號電車！嚟緊每個星期六、星期日都有電車導賞團，費用全免，大家可以坐住120號電車食盡最地道港式小食、玩盡最懷舊遊戲！想知活動同報名詳情，大家可留意留意官方專頁！

120歲生日，除咗有經典嘅「120號電車」電車做主角之外，「叮叮」仲帶埋位新朋友「300號」同大家見面！

此外，香港電車將在中環街市設立一個多月的期間限定店，售賣多款限定精品包括120號電車模型、紀念文具套裝、本地製作玻璃保溫壺等等。另外更設有親子攤位遊戲及打卡站等，完成指定任務的參加者更有機會贏取電車120周年紀念品！

全城捕捉「120號及300號電車」

參加者只要拍下主題電車的相片、短片、上載至公開的Facebook或Instagram個人帳號，標籤Hashtag「#TRAM120」，讚好及關注電車官方Facebook或Instagram，即有機會贏取一年免費任搭電車+高純度金箔制作的金箔咭120周年誌慶版「電車金票」共3份！

除咗有120號電車為周年慶祝活動揭開序幕之外，嚟緊仲有更多大事即將發生！可以留意電車官方Facebook同Instagram獲取最新消息啦！