【點新聞報道】鄭秀文（Sammi）昨（21日）晚在紅館舉行第8場「You & Mi 鄭秀文世界巡迴演唱會2023」（Rescheduled），表演嘉賓周殷廷（YT）與Sammi手拖手合唱《不要驚動愛情》，她除了欣賞其堅持夢想的精神，還對他西裝褸內結實胸肌深感興趣，假裝掀起偷看，非常搞笑。
Sammi身穿一身黑色仿毛外套、皮革上衣、皮裙和皮Boots型格登場，與黑色西裝的YT襯絕。她對YT說：「多謝你接受我嘅邀請。你喺音樂旅途上嘅奮鬥史令我好感動，雖然中間你幾乎想放棄，好彩你捉緊信念和機會，所以人生真係柳暗花明又一村，永遠唔好放棄，機會就在眼前。」
YT說：「其實今次唔只係我第一次喺紅館唱歌，我仲係第一次做演唱會嘅嘉賓。」Sammi表示好開心，笑說：「我想問下你，今日點解無除衫，你平時成日除衫，睇到大家心心眼！」YT說：「你先係肌肉擔當！」Sammi立即舉起雙手展示肌肉，自豪地說：「『排骨文』練到『大隻Mi』，真係唔少嘢㗎！」YT請求與她在舞台上自拍照，Sammi假裝掀開他的西裝褸，全場尖叫。
Encore環節，Sammi演唱《盲盒》後發現觀眾席有一位小男生獻花，立即上前，然後她驚喜大叫：「佢哋係我平時買菜嘅菜檔老闆一家四口，我請佢哋嚟睇，真係嚟咗，好sweet呀！」她接過花束後說：「去幫襯吖，跑馬地菜檔。幾驚你哋唔嚟，我千叮萬囑，第一二行架，唔好畀人呀！你哋真係嚟咗，我好開心，多謝你哋！」她又笑言現在生活變得師奶，不再逛街買衫，而是逛街市買餸。
演唱會尾聲，Sammi再次感謝觀眾支持，說：「好多謝今晚入場嘅觀眾，我希望呢個演唱會能夠帶畀大家一個愉快嘅晚上，就好似一架車去咗油站，幫你哋加加油、打打氣，然後大家帶住好開心、好輕鬆、好難忘嘅心情，聽日又開始新一天。我哋約定四個字：一齊變老！」然後唱出演唱會最後一首歌《我們都是這樣長大的》，期間她又發現觀眾席上驚喜：「夏蕙姨呀，你好閃呀，多謝你嚟睇我個騷！」
（點新聞特約記者陳惠芳報道）
相關報道：
收藏
取消收藏
分享
