【點新聞報道】2024香港小姐競選第二批候選佳麗7號秦冀雯（Yvonne）、8號盧凱怡（Kerry）和12號鍾翠詩（Tracy）日前已出發到塞班島，並由兩位師姐馮盈盈及麥美恩（Mayanne）帶領進行外景拍攝。
三位佳麗昨日（22日）行程非常豐富，一大清早便出發沙灘拍攝泳裝鏡頭，之後在兩位師姐陪同下，齊齊與魔鬼魚作零距離接觸。以水着上陣的三位佳麗大晒健美身材，與魔鬼魚抱抱兼餵牠們吃東西，兩位師姐亦有落場玩埋一份。有指親親魔鬼魚會幸運7年，三位佳麗和盈盈聽畢都爭住錫，而細膽的Mayanne為了Good Luck最終亦鼓起勇氣錫錫魔鬼魚。
盈盈、Mayanne與三位師妹共進午餐期間亦發生搞笑事，事緣三位佳麗根據自己口味選擇了自己喜歡的菜式，口味比較獨特的Yvonne竟揀選了苦瓜全餐，就連飲品都是苦瓜汁。之後因為製作組安排，兩位師姐需根據對三位師妹的第一印象為三人分配菜式，結果Kerry被安排品嘗苦瓜全餐，雖然「苦過弟弟」，但Kerry仍一邊吃一邊露出甜美笑容，相當專業。
講到是次拍攝泳裝事前有否做好準備？Kerry說：「我哋從參選開始一直都有Keep fit，每個人都好勤力，我發現Tracy同Yvonne都食得少過我。」盈盈聞言大爆Yvonne非常自律，就連飛機餐都親自準備，Yvonne笑言：「我好聽話架，大家都叫我減吓肥，因為上鏡會好睇啲。」Tracy則指不擔心拍泳裝鏡頭：「但我都會食少啲，因為怕有肚腩。」
至於師姐級的Mayanne則搞笑說：「咁想睇我哋着泳裝咩？有咩好睇，十幾年前咪着過囉！」盈盈笑言：「都有做啲準備，但全部（泳衣）都係好運動型，唔會走光，好安全。」Mayanne聞言再搞Gag謂：「我帶咗我媽套泳衣嚟，簡稱面堅尼，由頭遮到尾，美白好緊要呀！」
（點新聞記者陳惠芳報道）
更多報道：
收藏
取消收藏
分享
