【點新聞報道】巴黎奧運舉行在即，HOY派出多支攝製隊分成不同小隊送上第一手資訊，參與拍攝藝人包括阿正李尚正（正爺）、妹頭盧頌恩、Andrea蘇韻姿、阮偉倫、黃米高、郭海𣿭等，阿正同妹頭還發揮臥底旅行團專業精神，分享了他們試伏經歷。
阿正和妹頭親身去到巴黎大受當地人歡迎，其中有兩位法國男士攬攬妹頭，問到有無試下近期熱爆的Hello Kiss？妹頭就笑謂：「呢度啲人真係好熱情，一來就攬攬，我都好想試法式啜啜嘅禮儀，不過可能佢哋知道我哋係外國人⋯⋯」阿正立即踢爆：「因為你猶疑啊。」妹頭忍唔住笑：「無錯，因為我猶豫咗一刻，所以無得啜啜。」到埗巴黎後，阿正就話多做了運動，妹頭就最愛美食，兩人不約而同大讚法國生蠔。不過他們是臥底，雖周圍試不同美食，結果阿正去了一間食粉的餐廳，發覺有好多味精，而妹頭試過另一餐廳的洋蔥湯同樣味精多，齊齊中伏。
蘇韻姿Andrea、阮偉倫一去到巴黎，就急不及待去到奧運開幕禮場地附近，他們看到報道指巨星Celine Dion將會同Lady GaGa為開幕禮演出，身為粉絲的Andrea開心到跳起：「呢次係Celine Dion相隔四年首度現場表演，真係超級期待啊！」
另外，黃米高同郭海𣿭都分別於巴黎不同地標現場直擊，米高去到凱旋門因為遊客太多要封路，他又巧遇由英國赴當地的香港人，他們齊為港隊打氣。
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
