巴黎奧運｜翠如因畏高爆喊　笑謂因入場券與小方鬧不和

【點新聞報道】巴黎奧運於香港時間今日（27日）凌晨於法國巴黎盛大揭幕。四位主持方力申、黃翠如、何振然及莊琬晴來到巴黎作直擊報道，期間翠如被指在巴黎哭了，聞言大感愕然的翠如先是不懂反應，之後靜了數秒後才回過神來以「哈哈哈」及「吓？」回應。

及後翠如解釋指是因為畏高：「因為我哋呢度個台好高呀，路程又有啲崎嶇嘅，但我哋最後克服咗，上到嚟咩都值得喇。」她被追問有否買手信給老公蕭正楠，便聞言將話題帶到巴黎當地「一票難求的情況」上，又笑謂自己因為入場券有限數和小方鬧不和；隨後二人即搞鬼地重演當年方力申與葉璇的蝦碌誤會事件，小方先向着翠如「兇狠」地說：「跟住你寸我吖嘛」，之後翠如「慌張」的拍打小方示意節目開始，小方再「誇張」地尷尬笑笑裝作一切如常，認真抵死。

小方與翠如還解釋了巴黎奧運會的派飛情況：「大會派咗22萬2000張免費飛，畀觀眾喺塞納河上游欣賞呢個巡遊，另有10萬4000張賣嘅飛係畀觀眾去塞納河嘅下游度睇，即係兩邊加埋有超過30萬觀眾」，小方續指：「呢屆亦係最多免費觀眾見證開幕典禮嘅奧運會。」翠如則指開幕禮前夕巴黎市面保安相當嚴謹：「成個市中心基本上都Block曬，四周圍見到好多警察，頭先嚟嗰時，都仲見到好多警察喺度逐個逐個花槽打開嚟檢查，四周圍都有Check Point，居民就算返屋企，都要Show Pass。」另翠如與何振然又走訪了當地的選手村及三大Canteen，並透露了傳媒村一餐膳食費用約12歐元（意粉）。四人又透露大會總共派了30萬個安全套給應屆運動員，翠如更邊說邊數手指指每人運動員可獲得21個安全套。