![](https://dw-media.dotdotnews.com/dams/product/image/202407/28/66a5d559e4b05e123805ec1d.jpg?x-oss-process=image/resize,w_1200)
【點新聞報道】王丹妮(Louise) 與老公羅孝勇(Sheldon)趁四天假期旋風飛赴巴黎,首次親身體驗奧運多項賽事,並到場為港隊游泳賽事打氣。
Louise、Sheldon自去年底結婚後,因工作和讀書關係,平時聚少離多,近日剛好兩人獲手錶品牌邀請,因利承便展開一次四天蜜遊奧運之行。由於兩人計劃周詳,除置身奧運開幕禮中,還一口氣觀看了四場奧運賽事,包括七人欖球、柔道、沙灘排球和游泳比賽,Louise坦言很開心和榮幸能夠親身為港隊打氣。
![](https://dw-media.dotdotnews.com/dams/product/image/202407/28/66a5d5f3e4b05e123805ec27.jpg?x-oss-process=image/resize,w_1200)
Louise興奮的說:「人生第一次睇奧運真係感覺難忘,落住雨見證各個國家隊坐住船經過塞納河真係好浪漫同好有巴黎特色。睇住唔同嘅歌舞表演,巴黎鐵塔嘅幻燈show,最後仲有我喜歡嘅歌手Céline Dion驚喜現身,一路聽一路起晒雞皮,真係超級感動同埋鼓舞。而之後喺現場睇比賽,親身體驗現場熾熱氣氛,觀眾為自己支持嘅隊伍打氣,唱歌跳舞,玩人浪真係好正!」
![](https://dw-media.dotdotnews.com/dams/product/image/202407/28/66a5d5b7e4b05e123805ec22.jpg?x-oss-process=image/resize,w_1200)
Sheldon以前大學時候都有玩過欖球同柔道,所以睇得特別興奮。但他們最期待是游水,能夠於現場大聲支持香港隊,為香港隊吶喊助威,興奮心情難以形容。Louise回味讀書時說:「其實由細到大都有參與好多唔同嘅運動,因為個人生得比較高手腳比較長,所以中學入學嘅時候都總會被運動方面嘅團隊招攬,嗰陣時有join划艇,長跑同埋排球隊,仲好記得每個禮拜好幾日放學都不斷咁同其他戰友一齊訓練,而家諗返都係一段好美好嘅回憶。」
(點新聞特约記者陳惠芳報道)
![](https://dotnews-static.dotdotnews.com/img/icon/Revision20230612/noLike.png)
![收藏 收藏](https://dotnews-static.dotdotnews.com/img/icon/Revision20230612/shoucang.png)
![取消收藏 取消收藏](https://dotnews-static.dotdotnews.com/img/icon/Revision20230612/shoucangactive.png)
稿件由上傳 · 文責自負 · 不代表本網立場