點新聞 ｜ 每日點新聞 點解香港事

俗語話「人貴自知」，唔少港人幾年前輕率赴英申請移民，抵埗後先知英國搵食咁艱難，加上生活習慣、文化又令人難以適應，所以咪打退堂鼓返嚟香港。近日有移英港人在網上大爆身邊已經有四個組合回流香港了，奉勸大家不要道聽途說咁學人移民。

該名移英港人在社交平台發文表示，過去三年，身邊有四個組合回流香港了，「一位年輕舊同事，因儲不了錢，走了。一位街坊因說服不了女朋友過來，走了。一對街坊夫婦因新政策子女可獨立申請BNO Visa，亦發現在港的生意遙控不來，走了。另一對街坊夫婦因生活不適應，八月底會走了。」

樓主認為，「很多香港人都已經在英生活了兩三年，大約知道要付出和會得到的是什麼。也許，是時候回望一下，看看會否有機會達到來英前的期望，是否值得繼續付出。」但樓主奉勸大家別在社交媒體問別人意見，皆因「每人來英的原因都有所不同，蘋果和橙，沒理由拿來比較」。

不少網民都斷言若兩、三年後會有大批移英港人重返香江，也不足為奇，「三四年後，第一批過去嘅人攞了永居或護照後，會有另一批回流潮。」、「純粹為咗本護照絕對冇問題！我好理解。唔通真係貪你治安好、警察效率高咩！」、「 一堆連英國都未去過嘅人，一野就移民過去，Day 1就估到會係咁。」另有網民贊成樓主看法，「問人意見無意思，啲崩口人開假身入嚟同人拗又係無意義，同時證明自己崩口人撈唔掂又玻璃心。」