鬧爆移英港人口水佬搵着數 移英港女：欠X咗佢的嗎

移英港人最叻搞小圈子、圍爐取暖，結果嚇怕不少同路人！最近有一名移英港女在網上發文，表示自己到埗約3個月，便已經知道「有一種人係一定唔可以黐埋去，就係香港人」，形容他們是「人見人憎口水佬」，即係「鍾意吹水扮friend，又懶熱情請你去飲飲食食，實情係想查你家宅睇吓有咩著數可以黐」。

該名移民港女在社交平台Threads發文表示，自己於英國生活了約3個月，並真正見識到「一啲我喺香港都未見過嘅人種」或者「你喺香港根本唔會同呢種人有交集」。樓主形容該些港人為「人見人憎口水佬」，表面上「鍾意吹水扮friend ，又懶熱情請你去飲飲食食」，但實情是「想查你家宅睇吓有咩著數可以黐」。

樓主表示，自己本身唔鍾意識朋友，面對這些「懶熱情」的人，直言「覺得唔係咁舒服」。她認為新朋友都可免則免，「啱傾傾多幾句，傾完就散，呢啲叫距離的美，偏偏就有人係夾硬要你做friend」。她提到曾免為其難應邀到訪一港人的家中，對方更「厚面皮成日問幾時嚟我哋屋企參觀」，樓主坦言「我唔係地產隨便開門畀人睇樓，點解某啲X街自己鍾意揭晒啲嘢畀人知，會suppose人哋都要咁做呢？欠X咗佢的嗎？」。

帖文引起不少移英港人留言，有人認同樓主「英國香港人超勢利眼，我老母帶人上屋企整腸粉，啲人已經查家宅咁」、「成日覺得佢哋係無朋友先會周圍搵人社交，唔同佢哋玩就周圍唱衰，覺得呢種人好恐怖，好似有咩目的咁」。有人就指「香港人最鍾意搞返自己人，仲要情緒勒索你」，樓主回覆稱「無論攞著數/昆自己人/認叻/跟紅頂白各方面，香港人暫時都係世一」。

不過，也有網民留言慨嘆「覺得是妳的問題多一點，人家熱情一點也不用叫人『X街』吧！」、「其實我都係口水佬，但我真心只係想識朋友only」。