米芝蓮餐廳，當然是人人想食！不過近日有一名港女大呻，與朋友光顧中環一間有米芝蓮1星推介的法國餐廳，一行 9 人花了萬多元，沒想到卻換來一肚氣，令她與朋友氣得直斥「黑店」、「中伏」！，她更形容自己「貼錢難受」、「背脊骨落」。
女事主於上周六（3日）在社交平台threads分享這次不快的用餐經歷。據悉，該餐廳曾獲得米芝蓮一星推介，是港島區頗有名氣的餐廳之一，女事主提前預約了 6:30pm - 8:30pm 的位置，準時到達餐廳。不過，她們點菜後逾一小時「8：10分上齊嘢食」，但餐廳依然要求她們一行人準時 8:30pm離桌。
同時，食物質素令人大失所望，包括青口太小、10隻有3隻唔開口、5隻係爛、2隻發臭，向餐廳反映退菜後，僅獲回覆冇辦法，直指是來貨問題，與餐廳無關；黑松露薯仔$660+1一客，但服務欠奉，女事主認為「呢個錢係咪要有個人出嚟現刨黑公露先啱」，直指質素比「小學生到會」更差；另一道蛋料理「茶餐廳個荷包蛋起碼會脆邊好味啲」；至於沙律方面，女事主指是「人生第一次食生娃娃菜沙律，中間油到爆入唔到口」；餐廳招片菜色，指用了「元朗雞」，但女事主指菜式毫無調味。
而餐廳的服務態度更令她憤怒，女事主指，「7:50-8:30，每5分鐘過嚟提我哋要交枱同打包」。她於是叫來侍應問道：「全場只係催我哋一枱？」侍應沒有回覆，於是叫來負責人應對。老闆娘回應指「人哋隔離枱畀咗triple price!!」女事主隨即向鄰桌食客求證，但對方立刻否定老闆娘的說法，頓時令她們「全部人嬲晒」。雙方僵持不下，老闆亦現身解話，沒想到卻「情緒勒索」話，「你哋慢慢坐都得，下一枱嘅人就到咗啦，你由得人地等囉。」，更指「你哋唔滿意咪報警囉，去平機會投訴囉！」
最終女事主一行人憤怒離開，全枱埋單過萬元，均消費過千元，形容「$1180+1嘅飯咁空虛寂寞凍，食得出餐廳小氣要賺到盡嘅質素」。女事主表示「從來都無食過咁差嘅一餐飯」、「嘢食質素馬馬虎虎又overpriced」，形容自己「貼錢難受」、「背脊骨落」。
帖文引起不少網民熱議，有網民看完相片後狠批餐廳是「有擺盤嘅兩餸飯」、「畀錢買難受」、「成萬蚊食呢啲嘢」、「成皮嘢一餐但係張枱連枱布都冇就過份咗少少喇」。有曾光顧過餐廳的網民留言指，「依間野服務態度已經惡名昭彰咗好耐，辛苦你哋貼錢買難受」、「之前食佢嘅態度都真係幾差，所以食完一次就算。 嘢食完全overrated + overpriced」、「咁串又貴，好唔好食，見人見智」、「食完之後嬲咗成晚，覺得完全唔值咁嘅價」。
收藏
取消收藏
分享
