![](https://dw-media.dotdotnews.com/dams/product/image/202408/21/66c58420e4b05e12380c7b8a.jpg?x-oss-process=image/resize,w_1200)
餐蛋麵是不少港人的至愛,近日有網民因為好肚餓,便到食肆用餐,惟單單一碗餐蛋麵已盛惠50元,只見碗內有兩片午餐肉及一隻煎蛋,飲品還要另計,直言真係離譜,「如果唔係肚餓到頂點嘅話,真係唔會食」。帖文引起網民熱議,不少人狠批「搶錢」、「50蚊一碗麵30蚊係智商稅」。
該網民在香港討論區以「$50一碗嘅餐蛋麵,唔知係點樣嘅呢」為題發帖,表示自己好肚餓,於是到食肆了點了一碗餐蛋麵,「仲要等佢哋得閒先煮」,但內文未有提及餐廳地點。他品嚐過後,形容「個麵底好靚過茶餐廳少少,唔知係咪肚餓得滯嘅緣故」、「好耐未試過,成個湯都飲晒,因為實在係太肚餓喇。」
從相片可見,推廣餐牌顯示公仔麵「新品上市」,可從5款配料中任選2款,包括香腸、火腿、午餐肉、雞蛋及五香肉,售價50元。飲品則另計,熱飲16元、凍飲20元。樓主直指「$50,仲要唔包嘢飲,如果唔係肚餓到頂點嘅話,真係唔會食」。
帖文引起網民熱議,有人批評「$50 都幾搶錢,餐肉又唔係特別厚,蛋又煎得普通」,「50蚊一碗麵30蚊係智商稅」、「最低工資一粒鐘都食唔到一碗」、「叉燒質素,燒鵝價錢」、「熱飲加16蚊,凍飲加廿蚊,智商要幾低先會幫襯」、「自己煮好過」、「成本唔洗10蚊..」。不過,有網民就估計食店位置偏僻,「係唔係荒山野嶺方圓10公里得佢一檔」,樓主回應「真係」。
![](https://dotnews-static.dotdotnews.com/img/icon/Revision20230612/noLike.png)
![收藏 收藏](https://dotnews-static.dotdotnews.com/img/icon/Revision20230612/shoucang.png)
![取消收藏 取消收藏](https://dotnews-static.dotdotnews.com/img/icon/Revision20230612/shoucangactive.png)
稿件由上傳 · 文責自負 · 不代表本網立場