點新聞 ｜ 每日點新聞 點解香港事

靠「黃」上位的過氣歌手吳日言早前稱，為咗「下一代」有更好的教育，一家五口已移民英國。不過，她近日發文大呻，大女兒的態度越嚟越差，眼神同個嘴唔知點解要藐來藐去，直言「有時真係嬲到唔想睬佢」。有網民就回帶指，她曾發帖公審自己老竇，女兒都係學咗佢對外公嘅態度，「有因必有果！當年點樣對待親人，自己兒女都會學你」。

吳日言不時在社交平台分享移英生活，日前就「媽媽深夜發文」大呻，大女態度越嚟越差，「唔明白點解一個五歲嘅女孩態度可以咁差？，就算有我遺傳，在我細個時候都唔夠膽對家人發脾氣。」相較以前在香港的表現，她覺得「以前得我同佢(女兒)兩個嘅時候，佢唔會咁嘅態度。而家阿爸廿四小時都係佢身邊，佢嘅態度就越嚟越差。」

吳日言激心地指，「每次當我教訓佢嘅時候，佢都用一種極度不滿意嘅態度回應我，得啦、知啦、聽到啦！眼神同個嘴唔知點解要藐來藐去」、「我差不多每晚都要帶住憤怒離開佢間房。同佢講嘢好似完全接收唔到咁，仲教個細佬做啲曳嘢，喺張床跳跳跳，然後跌咗落床」。

吳日言表示，「有時真係嬲到唔想睬佢，不過佢完全冇feel，仍然係左耳入右耳出」。面對女兒的反叛，吳日言顯得十分無奈，遂問網民「點算呀?我真係唔知點樣處理。」

有網民揶揄吳日言中回力鏢，回帶指她曾發帖公審自己老竇冇睇實個孫女，仲鬧老竇推卸責任，「有咁嘅思維你都知道佢係乜嘢顏色」喎。所以呢，可能女兒都係學咗佢對外公嘅態度，「現眼報」、「盡得真傳」、「身教嘛！點對自己的父母個女咪點對待佢囉，自作孽不可恕」。