不少人行街行到攰，都會喺商場坐低唞下，有人更索性大覺瞓。有網民在社交平台上載照片，拍到有兩名顧客在位於奧海城的大型連鎖日本家飾家具店「無印良品」睡覺，引起網民熱議。
該網民日前在fb群組「香港交通及突發事故報料區」上載照片，可見其中一名上身穿黑衫的男子，翹腳坐在灰色的梳化上，呈半躺睡狀態，相信正在熟睡。至於另一名穿着黑衫黑褲的女子，則脫掉腳上的拖鞋，躺臥在藍色大型豆袋梳化上大覺瞓，完全當正自己「屋企」，無視店內其他顧客。
照片引起網民熱議，人笑指「Call白車啦，暈咗啦」、「影嚟做乜，仲唔救人？人工呼吸心外壓乜都好啦！」、「只要你不尷尬，尷尬就是人哋」、「隨便座隨便瞓當自己屋企唔好客氣」。亦有網民指，「睇落去好舒服喎」、「證明呢個beanbag 買得過，睇佢瞓得幾冧。」
收藏
取消收藏
分享
稿件由上傳 · 文責自負 · 不代表本網立場
