【點新聞報道】黃媒「Channel C」嘅醜聞真係爆完一單又一單，繼早前被爆幕後金主被貼大字報追數後，日前又爆出拖欠薪金。網上流傳一個疑似是前員工發表的帖文截圖，指「Channel C」6月起拖欠部份員工薪金，直至員工離職都仲未出糧，老闆仲講到明唔會出糧，叫前員工去勞工處解決。有網民質疑「大家課金啲錢唔知去咗邊」，認為「冇乜可以做到退訂係最快」。
該疑似前員工發表的帖文指，「大家眼中值得追捧、頂住光環嘅39萬followers網媒，一直接廣告客戶嘅錢，一直收讀者課金，但係就堅決唔出糧比前員工，亦都同在職員工講公司冇財困，喺度維穩。」
帖文直指一班同事幫緊一個無良僱主工作，「部份前同事已經中年亦有家室，幾個月有收糧都繼續幫公司做嘢。換來嘅就係一直唔出糧同埋被炒，試問天理何在？」帖文提到，「一眾被拖糧嘅前員工只係唔想再有忠實讀都課金，白白浪費金錢，去支持食人血饅頭嘅無良僱主。」
另有一名為「whatswrongwithchannelc」的網民，日前在社交平台threads發文，指自己是被「Channel C」 拖糧的前員工。樓主指，「大部份員工已經向勞工處報案排緊期，『Channel C』拖糧欠薪係不爭嘅事實。由於片同ig po有收視，所以唔影響編輯部出糧，你地會見到keep住有片同po出，成個台正常運作，但新聞部霉到日常得一個全職做野」。
至於為何自6月以來無前員工出面數臭，樓主指「不外乎因報咗勞工處，我哋相信法律；亦有少部分員工已收番糧；加上呢行行頭好窄，亦有家庭事業需顧慮，大家都只想收到應得既人工就了事。」然而，好可惜一直等唔到出糧，「老闆陳先生繼續做縮頭烏龜」。
樓主稱「適逢『Channel C』呢日喺threads引發公關災難，而『Channel C』『小編』竟勇字行頭衝出嚟，擺出一副不可一世嘅輕佻傲慢態度面對公眾，我哋一班前員工呢刻開始亦都唔怕同前公司Channel C正面交鋒。」
收藏
取消收藏
分享
