【點新聞報道】同親朋好友假日出行搭廉航，雖然機票價格平，但要同親友連位坐就要多付「揀位費」。近日本地KOL「肥姨姨」在Threads以「搭飛機就係要一齊坐嘛」為題發短片，分享乘搭廉航如何不額外交錢就同朋友連位坐。
肥姨姨同另外三位朋友要購買HK Express前往韓國的機票，四人首先在凌晨時分一齊上網買票，短片中可見其中3人使用手機上網購票，餘下一人用Notebook。第二步則是要「分單頁面同步」，片中強調「我哋永遠都要喺同一版」。之後4人同時點擊確認座位，分別霸到39C、39E、39D、39B位，成功可以連位坐，而且無需付60元「揀位費」、即共慳240元。
有網民留言大讚，有人已實測並稱「真係分開check-in都一齊坐」「一票多人會打散，只要分開買票同時check in就可以坐埋一齊」。也有網民潑冷水，表示「俾少少錢算啦」「三四個鐘頭，無乜所謂」。
相關報道：
收藏
取消收藏
分享
稿件由上傳 · 文責自負 · 不代表本網立場
