【點新聞報道】移民去外國真係要面對好多唔同挑戰，不少移英港人當初無仔細咁諗過度過就話要走，生活一陣子未能適應，搞到壓力爆煲。近日有移英港人有感而發指，身邊有朋友出現情緒問題，一個要離婚，一個要停工一段時間，兩人不約而同都選擇離開英國。
該名移英港人在社交平台發文表示，最近感受好深，因為身邊有朋友選擇離開英國，「
上個星期有個去咗英國3年嘅朋友突然話我知離婚+離開英國，加上情緒出咗問題，而家自理都有難度。今日又有個識咗2年嘅家庭，爸爸臨上機先whatsapp我話頂唔住要走，而家經濟同情緒都出咗啲問題，要停工一段時間。」
原來樓主4年前都類似經歷，「係一位朋友救返我，但我好慶幸自己當時有喊住咁講出嚟向人求救。」因此，樓主贈言「It is ok to be not ok」，忠告遇到難關的人「講出嚟比身邊嘅朋友同你分擔吓，.... ...唔好再收收埋埋迫死自己。」
網民也認為去留自己決定，「頂唔住嘅唔好死頂，移民定回流同自己交代就夠喇」、「大鑼大鼓離開，粒聲唔出回來」、「去留人各有志，又唔需要對回流的人咁mean，唔好返嚟搞破壞就得」。
收藏
取消收藏
分享
稿件由上傳 · 文責自負 · 不代表本網立場
