點新聞 ｜ 每日點新聞 點解香港事

【點新聞報道】很多港人移民都話為了下一代，不過就沒有得到下一代同意才移民。近日有不少移英學生在社交平台發文大呻，話喺外國讀書好辛苦，覺得香港讀書開心啲，有人直言「越嚟越唔鍾意喺英國讀書」。

有移英學生在社交平台threads抒發在當地讀書的感受，指「嚟咗英國讀書讀耐咗之後覺得香港嘅教學係好好多，喺英國啲學校根本唔理啲學生，上堂搞事串老師講粗口鬧個老師，個老師都可以當冇嘢，根本上唔到堂」，直言喺英國生活可以，但讀書不了，「越嚟越唔鍾意喺英國讀書」。

眼見網上一班移英學生心灰意冷，有網民留言分析指，「啲父母課金幾百萬去英國／加拿大，為咗下一代嘅前途可以多啲選擇」，只是一廂情願的想法。若諗深一層，要一個15、16歲的年青人去國際學校讀書都難頂，何況是去外國讀中學，「有邊個後生仔唔想簡簡單單咁過中學時期、冇得怪佢哋...」。樓主更斷言，這一班15、16歲移英學生，如無意外18歲跟父母拎埋英國護照後，都幾大機會返香港生活，笑言「想發明星夢嗰啲，都會試下去TVB節目」。

有網民則指出最大的問題是無知，「好多人以為英國所有學校都係等於香港國際學校… 其實大部份state school只不過等於香港嘅低band 學校，唯一唔同係班爛仔講英文而已。」、「實在頂唔順啲家長，個個都話英國教育制度好，有乜咁好，仲衰過香港Band 3，好嘅學校又一樣爭崩頭，最衰係如果你要考到好嘅大學，真係要德智體群美！你要做好多無謂嘢，仲辛苦佢喺香港讀」。