點新聞 ｜ 每日點新聞 點解香港事

【點新聞報道】Hana菊梓喬同保錡傳出緋聞成為城中熱話，但Hana懶理這事專心事業衝刺，最近她為HOY播映的古裝劇《長相思》演繹港版主題曲《愛失去以後》，還以全新方式拍攝新歌MV，更一別過往較為靜的形象，戴住HEADPHONE聞歌起舞，同她平日慘情形像截然不同。

說到《愛失去以後》的主題，Hana說：「喺個歌名悲傷啫，只係一個故事，我都無愛失去嘅，大家唔駛擔心我，我OK。」今次係Hana轉會後第二次唱主題曲，上次拍「萬年」MV上山下今次她就為大家爭取福利，在室內有冷氣的地方拍攝：「今次MV幾得意，同一般嘅MV有啲唔同，大家想知我失去愛以後會做啲咩？咁就要睇MV啦﹗」而MV中亦有兩個截然不同的造型，一個是較為動感的，穿上小背心的Hana亦罕有騷出事業線，而另一造型是比較感性的，Hana邊唱邊淚流披面。

既然與保錡傳緋聞，兩人又會否有合作或合唱的契機呢？「呢樣就難啲，我嘅工作都比較單一。」（對方唱RAP都好勁喎？）「其實我自己的歌都有一定曲風，好少去跟風。」Hana希望未來有多些衝擊，可以嘗試不同曲風，甚至參與拍劇、出外拍綜藝都無問題。

（點新聞特約記者陳惠芳報道）