酒店訂房突被取消 森美偕妻遊大阪險瞓街

【點新聞報道】森美近日和太太去日本旅行，兩人前日（12日)昨天從京都坐車去大阪後，下午5點時，接獲中介網站通知，他們一星期前已付款訂好的酒店不能提供房間，酒店一方更稱沒有收到他們的房間預約。兩人推着行李在大阪找了一晚，終於在朋友幫忙下租了一間位於偏遠地區酒店的最後一間房，並上載房間照片說︰「爭啲真係要7街瞓。」

森美前晚在Ig拍片，片中的他和太太各自推着行李箱在街上行。森美苦笑說：「依家夜晚10點幾，我喺條街度推住個篋行緊，原因係我訂咗酒店由京都返嚟大阪，搭緊火車嘅時間，下晝5點收到一個電郵，訂酒店嘅網站話畀我知我間房冇咗啦，但係我一個禮拜前已經confirm咗，冇得退款，confirm 咗Booking，已經畀咗錢㗎啦，亦都confirm咗，但係依家嚟到就冇啦。經過兩個鐘頭嘅爭論之後，酒店話冇見到我個 Booking，所以依家夜晚10點，我搵勻成個大阪都冇酒店，依家喺街度挑戰人生。估都估唔到去日本旅行，大阪都嚟過好多次，shopping就試過，探險真係未試過。搵唔到呀，唯一搵到嘅酒店喺奈良，冇理由飛去奈良㗎！依家10點，食完飯啦，都係搵唔到酒店。搵咗一晚啦，依家我唔知呀，重點係，我老婆都開始唔睬我啦，希望今日搵到地方瞓啦﹗」

森美更一度想去網吧過夜搵，可惜連網吧亦爆滿︰「網吧都冇，瞓街啦... 今次都似﹗」好彩，最後得朋友幫助下，終於找到有酒店房，森美說︰「感謝各方好友，個個都搵朋友又或者自己找上門幫手，結果真係有一個朋友雖然好耐冇見，但係就係憑今次個經歷，幫我喺網上面搵到一間不遠酒店！最後一間房！下次book咗房真係要再自己send email去酒店confirm先至好出發，網上網站，中介人信唔過。我知你哋好想知係邊間......詳情留番節目講畀大家聽。重點係人生好多艱難，你係估唔到會發生。去到最後都係要靠朋友，多謝各位朋友，感激每一個關心每一個電話每一個短訊，好多人平時冇見冇傾但係都拔刀相助。世界有愛﹗感恩﹗你們每一個人都很有愛！早唞！多謝關心﹗」

其後森美接受傳媒訪問時表示，最初得知酒店房被臨時取消時感覺有點難受，但難受之中，又覺得要在大阪這個不太危險的地方歷險都算有趣。他透露，與太太坐的士抵達酒店，拿了鎖匙上房後覺得有點害怕，「那間房的房門不是關上的，房門打開了，用防盜卡住。我睡醒了才說，我是驚酒店通常剩下一間房，不知道是否曾有人死在那間房內，不知道是否有鬼。我驚了一會，才能入睡。」

至於四出找酒店時可有被太太埋怨？森美稱跟太太沒有為此事拗撬，只是對有關公司的安排大感忟憎，同時很感激所有朋友關懷及幫忙。