點新聞 ｜ 每日點新聞 點解香港事

【點新聞報道】「輪椅停放區」顧名思義就係畀要使用輪椅的人士優先使用，不過，日前有九巴乘客趁未有使用該位時，卻將自己的行李放到輪椅位上，並扣上安全帶，車長要求解開惟乘客不肯，司機最後拒絕開車。有網民力撐車長「做法正確」，指「俾係人情，唔俾係道理」。

有網民在fb群組「香港突發事故報料」上載影片，可見有九巴乘客將自己的行李放到輪椅位上，更將安全帶扣上行李上，但車長要求挪開行李，其中一位女乘客不肯，並與車長發生口角，「我依家行李扣帶都唔得，冇輪椅都唔得，你咩嘢態度？」。司機則表明「唔得」、「正常態度，唔得就唔得」、「無輪椅並不是你話事」，並因此而拒絕開車：「你唔解帶，一日都唔使開車」。

網民看過影片後一面倒支持車長，表示車長有責任保護其他乘客安全，「正義車長」、「直頭想上九巴讚個司機，好少司機咁堅持同保護自己立場，司機好嘢」、「呢個司機真係無得頂，要讚」、「支持車長，車長答得好好，做得好好」。

有網民認為，「車長正確，呢到係擺輪椅嘅位，行李有行李位，呢一刻無人用唔代表下一刻無人用」、「俾係人情，唔俾係道理」，「最重要是，個女人用咗傷殘位嘅安全帶」。