【點新聞報道】鄧麗欣（Stephy）今日（15日）生日，Fans Club於前日特別為她籌辦生日會，與逾百fans切蛋糕、唱生日歌、玩遊戲、非常熱鬧。Stephy更率先宣布明年三月紅館舉行首次個人演唱會作為「回禮」，她與fans齊齊感動落淚。
Stephy台上說：「我有一份禮物送畀大家，但呢份禮物今日攞唔到住，幾時攞呢？我約定你哋，明年三月⋯⋯」此時她眼泛淚光，有fans似乎猜到報以歡呼聲，她掩嘴點頭示意猜對了，全場掌聲。冷靜幾秒後，她續說：「明年三月紅館見！」台下fans立即興奮歡呼，有不少感動抹眼淚。Stephy說：「我嘅生日願望真係好簡單，希望大家以最開心、最健康嘅身體嚟睇我嘅演唱會，嗌大聲啲！」全場尖叫。
之後Stephy受訪時笑言以為可忍住眼淚，結果還是失守，她說：「咁多年無論任何嘅歌迷聚會我都會喊，今年以為自己勁咗，點知都係忍唔住。我覺得好感動，尤其是望住咁多位好熟悉嘅面孔，支持咗我咁多年，我覺得呢一個回饋對於佢哋、對於我自己都係好重要。希望大家得到呢份禮物覺得開心，希望所有fans都買到飛入場，真係好開心，約定大家紅館見。」對於台下有fans跟住喊，Stephy說：「佢哋可能都諗『終於等到呢一日啦』，見到佢哋開心和感動，對我嚟講真係好重要，令我更加努力去做好呢個演唱會，唔好令佢哋失望。」
Stephy19歲出道，不少fans都支持她接近十幾年。她在生日會跟fans分享環節，聽到他們的追星故事和見到他們的珍藏品已經好感動，兼且眼紅紅想喊，她説：「相隔咗幾年冇辦生日會，再慶祝好開心，今日好多人嚟咗，有跟咗我好多年嘅歌迷，亦都有新臉孔，非常多謝大家參與。個蛋糕好靚，好有心思。咁多年來收咗好多fans嘅禮物，我送返畀佢哋嘅禮物，就係我明年紅館演唱會。」
Stephy收到很多fans手造的生日禮物，特別開心。今年還特別整了一部扭卡機，所有扭卡得到的錢捐去慈善機構。Stephy更放入幾十張親筆簽名隱藏版給fans驚喜。
（點新聞特約記者陳惠芳報道）
收藏
取消收藏
分享
