點新聞 ｜ 每日點新聞 點解香港事

【點新聞報道】歌手麥浚龍（Juno）曾預告下年將會再踏紅館開騷，誰料今年年尾Juno會在會展先舉辦「The Album」新章節番外篇所延伸的演唱會，今次他就接受Angela俞詠文訪問坦言事前沒有預計開這個演唱會。

Juno說：「因為之前都試過將專輯或者電影上嘅角色放上舞台，咁我就諗返「The Album」呢個企劃，而視點唔再喺董折同埋浦銘心，反而係講佢個囡囡董浦，再去了解返佢嘅爸爸，而邊個藝人飾演呢個囡囡，我已經有人選㗎喇！但係要保持神秘感，到開show你咪知囉！」

講到新歌《天與地的距離》，Juno就表示這首歌是一個實驗品，希望勾起聽眾這四年來的印象：「點解用父女呢個關係去開show呢！我相信係因為我同我啲貓嘅關係，佢哋咪係我啲小朋友囉！新冠疫情期間，我其中一隻貓走咗，可能呢個係一個啟發，令我去寫一段父女嘅關係。」

問到Juno會唔會想生兒育女，他就斷言拒絕：「如果我係一個爸爸，我相信我係一個好開明嘅爸爸，但係都可以係一個好自私嘅父親，所以其實我唔想做！因為我有太多嘢想做，而做爸爸唔係我嘅to do list囉！」

（點新聞特約記者陳惠芳報道）