【點新聞報道】話說英國醫療服務效率慢，要睇醫生真是難上加難。有移英港人近日發文，指自己在家中切傷手，遂致電當局求助，結果係「打咗999唔理我」。流血不止的樓主只好轉向網民救助，惟有網民反而幸災樂禍，「仲上網問人，不如自己搭的士去啦」。
該名移英港人在fb群組「食在英國 超市好物/飲食情報分享區」發文向網民求救，指「啱啱切到手，打咗999唔理我，可以點做？仲流緊血」。有網民建議樓主「打111」，樓主回應「打咗，都係叫我自己搞掂」。
帖文激起不少網民對英國醫療制度的不滿，「喺英國打999死咗都未到」、「唔係切到幾吋長流血不止、見骨或得塊皮吊住斷指，真係唔會理你，自行止血貼膠布比較直接」、「我之前喺梯撻咗落來瞓喺地起唔到身，個人清醒冇流血，我打999都冇車比我，叫我打111。」
另有網民則留言揶揄樓主「自己坐的士去急症室有幾難？喺香港都要坐白車去？」、「難度你喺香港切親手又係叫白車？」、「仲上網問人，不如自己搭的士去啦」。
收藏
取消收藏
分享
稿件由上傳 · 文責自負 · 不代表本網立場
