【點新聞報道】《Dahlia Blossom The Prime Classics Live 2024 張敬軒澳門演唱會》昨日（19日）於澳門倫敦人正式展開。未夠一年，軒仔再次受邀開唱，總結一年內於澳門舉行了30場演唱會，破澳門演唱會史上紀錄，認真厲害。
這次演唱會是「THE PRIME CLASSICS」的第三章，軒仔以5套全新歌衫演出，當中一套全身黑色閃閃連身衫，搭配頸上的大理花飾物；而為演唱會打開序幕的閃石西裝，是以4萬粒水晶釘裝而成、重量超過40磅。除了新衫，歌單亦作大幅度調整，軒仔說：「我可以話俾大家聽，今晚有六成以上嘅作品都係舊年冇唱過嘅」。
台上的軒仔上又分享了不少童年往事，「細個媽咪開咗一間卡拉OK，我逢星期五晚都會有自己一個嘅表演時間，陳慧嫻小姐1989年告別演唱會係我嘅表演節目，我可以由opening唱到ending為止，為我奠定咗好多音樂基礎。最神奇就係冇諗過今時今日我哋係同屬一間唱片公司，慧嫻姐姐就嚟開演唱會啦，希望大家都會多多支持，我而家爭取去做嘉賓」。隨後軒仔便演唱陳慧嫻的《夜機》。
軒仔續說：「去到2000年我阿媽開咗間麻雀館，我阿媽專做嗰啲嘢㗎，冇賭牌咋，我阿媽好鍾意玩兩手，所以我又喺麻雀館做過」。他的成長環境加上他是獨生子，軒仔喜歡自己跟自己玩，他坦言enjoy這種生活，並表示自己「其實係一個好複雜嘅人，我都冇辦法去解釋。但我個城堡入面究竟係一個廢墟？定係一個屬於自己先至可以悠然自得嘅遊樂場呢？其實都係自己決定」。
軒仔又言，今晚演唱會有好多期待，其中最期待是跟一位老朋友見面，因為疫情他們大概有6年沒見，這位老朋友是他的第一代的歌迷，已經成為朋友。而重現紅館show《俏郎君》波波裝置一幕，亦是軒仔及演唱會監製莊少榮（細榮）特別為歌迷而造，當時因為疫情，除了外地歌迷未能到港睇show，香港部份歌迷亦因限聚令未能入場。
演唱會前，軒仔又特別在社交媒體上溫馨提示大家「睇show的禮儀」，軒仔表示十分滿意。不過經常喜歡互相傷害的軒仔和他的歌迷又在「互相傷害」，軒仔直言「今晚我覺得好開心，可能佢汲取咗去年嘅教訓，冇人大嗌、冇人亂講嘢……」話音未落，即有觀眾大嗌，軒仔一副生無可戀的表情，「佢係咪嗌除衫？老公？你周街嗌人老公嘅咩？你兩條友如果再係咁嗌，我真係發嬲俾你睇！」歌迷竟即起哄叫好，軒仔說：「嗱，你哋拎起電話，我錄一段俾你哋返屋企留念，你哋想睇張敬軒鬧人吖嘛，呢期好Hit㗎呢句，『你7街瞓！』喺自己演唱會度着到咁靚，用鄉音叫人你7街瞓…… 唉！」立即爆笑全場。
（點新聞特約記者陳惠芳報道）
收藏
取消收藏
分享
