點新聞 ｜ 每日點新聞 點解香港事

【點新聞報道】洪卓立（Ken）《The Other Planet 另一個星球》巡迴音樂會，日前去到江門一站，從未到過江門巡迴的Ken坦言擔心售票情況，結果音樂會當晚，開售的2800個座位，座無虛席。

Ken說：「知道要到江門開show，第一件事是想到當地美食，第二樣是擔心票房，即係我點樣樂觀都會諗吓個票房，話晒我未去過江門巡迴，唔知人哋識唔識自己㗎嘛。」Ken表示每一場的巡迴都有自己想表達的訊息，他藉着巡迴主題「The Other Planet」釋放自己，「這次他想表達的訊息是『告別娑婆』，他將過去三、四年來的一些想法透過歌曲展現，加上自己親手寫下文案，放在畫面跟觀眾分享，核心思想就是希望大家不要放棄，「自己經歷咗唔少事，我都冇放棄，亦都一步一步咁行返上舞台，所以我都希望將呢個訊息帶畀現場觀眾。」對於作為歌手，除了娛樂觀眾，他自覺有責任帶出某些訊息，「例如係珍惜、例如唔好令自己後悔、例如堅持。」

演唱會尾聲，Ken除了預告下一站將於佛山舉行，更分享了一段小故事。在唱最後一首歌《目前》前，他表示出乎意料地不知道原來大家十分喜歡這首歌，「因為首歌係好耐之前，後尾我先至知道原來有啲朋友係攞呢支歌嚟求婚。之前我去咗電台做訪問，DJ喺咪後同我講，『我老公都係用呢支歌同我求婚㗎，如果佢唔係用呢支歌，佢求婚唔成功呀！』引得全場爆笑。

Ken笑言「好驚」，「不過我覺得我喺呢個樂壇都有少少嘅貢獻，當大家去求婚，各位男士如果求婚嘅話，可以考慮吓用呢支歌啦。」

（點新聞特約記者陳惠芳報道）