點新聞 ｜ 每日點新聞 點解香港事

【點新聞報道】近日網傳新城廣播首席營運總監馬浚偉「跑唔到數」，將於年底裁員。有員工打算找大老闆李澤鉅鳴寃。新城回應傳聞屬純無中生有，不作回應，但事隔一日，可能傳聞被廣泛報道，除馬浚偉親自澄清外，其他高層在社交網發言護航。

馬浚偉留言：「我哋新城廣播並冇裁員，唔好亂作啦。現在科技發達，假訊息、假資訊隨時可以作誤導讀者！要進行抹黑或者攻擊行為，網絡實在有太多方法！當然我奉勸大家不要亂信，亦要小心別誤墮陷阱！當然更重要嘅，係繼續留意同支持我哋新城廣播和MBOTV!哈哈，多謝大家！」

MBOTV台長兼創作總監葉文輝（啤梨）、知訊台台長程凱欣、財經台台長魏美珍與主持胡孟青、新城廣播藝人經理人及項目總監範振鋒等新城高層也齊齊發聲回應。葉文輝（啤梨）亦出Po：「睇到關於新城嘅花生真係得啖笑，連我日日返工都唔知，大家笑完好快啲聽我節目同睇MBOTV嘞。」

知訊台台長程凱欣出Po：「身體同一間公司一樣，要健康茁壯成長，也不能讓不真嘅消息蔓延。近日收到有WhatsApp問到關於新城傳出裁員消息，辟穀對身體有很多好處，同樣「闢謠」也重要，不能讓不盡不實，流言蜚語發酵蔓延。」

（點新聞特約記者陳惠芳報道）