點新聞 ｜ 每日點新聞 點解香港事

【點新聞報道】香港人好有愛心！筲箕灣日前有伯伯上樓梯時不慎摔倒，幸得數名熱心街坊相助，有人幫忙叫救護車；有人借來雨傘擋太陽，伯伯最終由救護員送院治理。不少網民大為感動，大讚港人熱心助人，並希望伯伯早日康復。

有網民日前在fb群組「筲箕灣西灣河關注組」發文，表示中午約12時30分，一名伯伯在港鐵筲箕灣站對開行人路摔倒，「好在有熱心街坊及老闆幫手，老人家呢個位上落樓梯高危」。從照片可見，一名手握拐杖的伯伯躺臥地上，有熱心街坊用紙皮箱及雨傘為其遮擋太陽，亦有人關心伯伯的情況及幫忙救護車。

有目擊的女街坊在帖文下方留言，指伯伯本身行動已經要用拐杖，當時他想行上第二級樓梯時，卻不慎失去平衡，「佢想行上嗰2級樓梯，可能腳唔夠力就向後跌低咗」。她表示，伯伯上救護車前已清醒，都無流血無傷口，大家可以安心。

她表示，自己因為正要到附近診所求醫，於是向診所借了兩把雨傘為伯伯擋太陽，診所姑娘亦關心伯伯的傷勢，「當時伯伯都無傷口同清醒，可能評估到伯伯唔係好嚴重就無特別出去幫手」。她提到，「藥房老闆就幫手等到救護員嚟到，因為報案嘅男士都趕住返工，佢都好有心」。

不少網民認為應改善該樓梯的設計，「個邊位級樓梯真係好高」、「呢個位兩級係比較高，我都唔鍾意行」、「呢個位好危險!後生都有時會事」、「呢個位都幾失敗，應該做斜路」。