獎門人台慶感謝祭｜抱病上陣不甘示弱　楊茜堯玩遊戲露出狼相

【點新聞報道】《獎門人台慶感謝祭》昨晚（16日）播出，獎門人曾志偉率領「獎老」錢嘉樂、阮兆祥、金剛、麥美恩、林秀怡和林正峰齊齊以藝術人物造型亮相，金剛講鬼故因內容太過無厘頭，遭獎門人瘋狂掌嘴。

為迎接台慶，今集嘉賓陣容相當鼎盛，有「黑色月光隊」的楊茜堯、林夏薇、王浩信、楊卓娜、葉蒨文、馬貫東、何廣沛、黃建東，及自封「獎門人鐵腳隊，依家有仔又有女」的「苗僑偉隊」，成員有苗僑偉、湯盈盈、洪天明、姚樂怡、梁靖琪、周家蔚。抱病上陣的楊茜堯（阿怡），雖然聲音沙啞又虛弱，但玩起遊戲相當狼死，遭錢嘉樂搞笑寸爆：「唔好畀人知道子溢喺屋企咁慘。」事緣阿怡玩「開心無敵啜乒乓」時，除了甫出場即以「黑色月光style」眼神掃射全場，又出手將對手洪天明不斷推開，令洪天明亦忍不住大嗌：「做咩啫」。搞笑的是阿怡「戰績」認真麻麻，不斷玩輸遊戲，而在「開心無敵開口中」環節，阿怡更露出「蛇𠺌膽小」一面，與角色余滿月反差甚大。

本集另一焦點落在「猴擒代表」林秀怡身上，難得獎門人「回歸」，林秀怡把握良機要求與全場男嘉賓玩「傳紫菜」，獎門人聞言即加碼為林秀怡公開招「親」，邀請現場男觀眾上台玩埋一份，場面勁級混亂又搞笑。愈玩愈失控的林秀怡，面對對手何廣沛出招飛撲兼喪啜，何廣沛亦「反飛撲」禮尚往來；馬貫東及王浩信則分別拉着林秀怡大擺「gone with the wind」經典甫及公主抱搞氣氛。

（點新聞特約記者陳惠芳報道）