【點新聞報道】靚媽陳凱琳（Grace）及即將成為人妻的衛詩雅（Michelle）今日（20日）一同出席一個美容活動，並分享美容心得。
陳凱琳非常享受每天照顧三位小朋友，還帶他們去行山，同時又兼顧自己的事業，卻從不會感覺有倦意，反而越忙越容光煥發，Grace分享說: 「因為湊住三個小朋友嘅關係，心態上我絕對係非常年輕。加上我自己好鍾意笑，係一個表情好豐富嘅人，比較容易有表情紋，加上我又要成日上鏡，所以我都好注重皮膚既質素。」
陳凱琳透露最近帶了幾個兒子去廣州滑雪，期間發生了小插曲。在她滑落到山腳時，被從後而至的少女撞正塊面，她說：「我第一個反應係，我唔可以破相㗎！我個樣好重要。我發覺其實女仔不論是做了媽咪還是已有人要都好，其實都係好貪靚。」她笑指自己平時說話及講故事時表情多多，對於抗皺會比較緊張和重視。」
衛詩雅(Michelle)近日喜事重重，隨着婚禮日子漸近，她又為工作經常日夜顛倒，她怎樣保持到無死角的膚質呢？Michelle笑說：「如果大家入場看過《破·地獄》，大家都看到我個頭放到有幾大，但可以看到我的膚質都非常好，導演試過誤會，問我是否暗地有化妝？我的化妝師用紙巾抹，証明我係素顏。導演都好奇點解我的皮膚可以捱咗咁多日都咁好，就正正係因為我用咗正確護膚品。」她又言自信來源絕對擁有年輕、水潤光澤好膚質，而保濕就是保養的重要環節。
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
