【點新聞報道】藝人張致恒（Steven）與老婆區燕雯（雯雯）被封為「離婚界KOL」，並非浪得虛名，雯雯昨日（20日）又在社交平台炮轟張致恒，滂沱大雨下，丟低她和兩個仔喺街，自己返咗屋企，質問對方「點樣做得出」。
雯雯20日在IG限時動態發文炮轟張致恒，「今日最特別嘅經歷，接放學，冇錢搭車，你一句冇，電話冇電，返咗屋企，咁其實你期望我帶住兩個仔坐喺街？」之後，雯雯再發文斥：「就算你點冇法，係點樣做得出，由得我哋？仲要咁大雨！」
睇嚟張致恒早前發奮開工賺錢養家，但因開工不足，一家六口再陷財困，就連搭車錢都沒有。他更在大雨天丟下老婆和兩個兒子在街上，自己先回家，母子三人則自己諗辦法回家。他們一家的景況，不禁令人搖頭嘆息。
收藏
取消收藏
分享
稿件由上傳 · 文責自負 · 不代表本網立場
