點新聞 ｜ 每日點新聞 點解香港事

【點新聞報道】有人會搭85折的士後向司機索取收據，再向公司報銷，唔覺意就食咗個差價。有港女日前在網上大呻，司機竟在收據上手寫改單，註明85折及實收車資，直言「我搭咁多年八五折的，第一次遇到」。帖文引起網民熱議，有人大讚「司機好波」，但亦有人認為司機可能已觸犯虛假文書罪。

有網民在fb群組「的士司機資訊網Taxi」轉載帖文，指有港女搭85折的士，到埗後問司機攞單時，對方竟手寫改單，「佢要等登手寫改番張單實收咗我幾多錢？」，直言「我搭咁多年八五折的，第一次遇到」。從其上載的圖片可見，司機在收據上用手寫刪去按錶車費139.7元，在下面寫下「85折$120」。

帖引起網民熱議，有人支持司機改單，大讚「司機好波」、「司機做得好，抵讚」、「好少見會咁，不過司機咁做又好合理」、「明明唔使畀錢已經有得坐，你要claim梗係唔會益你啦，司機做得好」、「司機收幾多錢寫幾多錢，請問返你有咩問題？」、「呢個司機好均真!」、「又要坐85折扣的士，又要拿正價單。咁做已經有問題啦。」

不過，有人認為司機已觸犯虛假文書，「要85折，就冇單，要攞單，收正價，虛假文書，司機要受，乘客一句唔知，就冇事」、「的士收據係正式嘅發票冇簽名，然後改價錢，呢個已經構成虛假文書；第二個問題就係的士司機冇按錶收費；第三個問題的士發票係正式嘅收據，而冇合理解釋嘅情況去修改，可能都牽涉其中一啲法例上面嘅問題。」