每日點新聞 點解香港事
下載APP
標籤

中年好聲音3|潘紹麟韓依納淘汰出局 肥媽直斥揀錯歌

韓依納揀錯歌得一燈被淘汰。

【點新聞報道】《中年好聲音3》昨晚(1日)香港賽區、新馬區及大灣區60強PK之戰來到第二回,今集17位選手中只有英國唱將Dan James勇奪5燈直接晉級,其餘4位「5燈選手」表現全線跌watt,令人跌眼鏡。

潘紹麟唱《上海灘》,被肥媽評冇水冇力的水槍。

當中潘紹麟和森林竟只得2燈,「4燈選手」梁楚琪和韓依納更齊齊只得1燈。曾參加不少大型音樂比賽節目的潘紹麟,上輪「大灣區新馬PK戰」搣甩囂張態度獻唱《愛在記憶中找你》獲評審大讚,今回揀錯失足成恨。他獻唱《上海灘》並以頸巾+紳士帽上陣,造型入型入格,可惜一開口卻令評審肥媽大跌眼鏡:「你一開聲我想死!以你唱功冇理由係咁,咩事要揀呢隻歌呢?」肥媽續指原唱葉麗儀演繹的是機關槍版本,而潘紹麟則是冇水又冇力的水槍。最終幾乎全部選手站起向潘紹麟battle,最終宗倩如憑《值得》將潘紹麟淘汰。

肥媽對曾獲4燈歌手失望。

被指與新加坡歌手陳潔儀撞聲的新馬區4燈唱將韓依納,上台時坦認從小因長相不好看被親戚冷待,自認未拍過拖的她,笑言為體驗被分手感覺故選唱《一切也願意》作賽,但肥媽點評時認為她應揀葉蒨文或甄妮這類較成熟歌手的歌曲,最終韓依納慘得一燈收場。

(點新聞特約記者陳惠芳報道)

收藏收藏
取消收藏取消收藏
稿件由上傳 · 文責自負 · 不代表本網立場

中年好聲音3|潘紹麟韓依納淘汰出局 肥媽直斥揀錯歌

收藏收藏
取消收藏取消收藏
稿件由上傳 · 文責自負 · 不代表本網立場

相關推薦