點新聞 ｜ 每日點新聞 點解香港事

【點新聞報道】《趙學而50 Plus演唱會》昨晚（7日）於麥花臣場館舉行，演唱會上趙學而與大家大談自己的心境變化，觀眾們反應十足，全晚氣氛熱烈，最後粉絲捨不得離開，齊心等待學而安歌一曲。

學而以《再見了》作序幕，穿上一襲黑色高貴典雅長裙配上帽子出場，一連唱出三首金曲，之後更與觀眾打招呼，粉絲亦相當識做，大讚學而好靚：「歡迎大家，相隔1年半我又開騷。對上一次喺新伊館開演唱會，當時大家仲喺報復式去旅行，依家唔同咗，興玩短程trip。多謝主辨、在座每一位買飛入嚟睇一個年過半百嘅女人唱歌。希望大家2025年都搵到自己嘅一個新方向！」

當《謫仙記》前奏響起，學而表示雖然是快歌，但都期待不到她會跳舞，還唱出快歌《反叛情歌》。這次學而非常專注唱歌部分，跳舞就留待下次給大家再帶來驚喜，「喺現今新世代，我作為中年女人，都要懷着好奇嘅心，而且多學習同埋嘗試。所以今晚一啲舊歌嘅編曲都會有所不同，希望大家鍾意。」學而緊接演繹《我說過要你快樂》，更少不了與是次音樂會樂隊總監Joey Tang鄧建明合唱《誰明浪子心》，將演唱會氣氛推上高峰。

是晚演唱會中，學而大方談及年齡和生理變化，她坦言：「有做過婦女節目主持，其實更年期唔係女人先有，男人都會有，因為荷爾蒙變化所以會影響情緒。其實更年期都係一個過程，無咩特別，好似青春期一樣。」接着唱出《自欺欺人》，贏得全場掌聲。之後，學而換上粉紅毛毛大衣，加上金色皇冠和彩色大耳環，唱出新一代流行曲《凡星》，更自嘲「而婆幾十年唱歌生涯都無咁勵志嘅歌，中年喺咪要整返首？做人要忠於自己，做自己認為啱嘅事情。」隨即送上一首《友情歲月》，場面感人。

（點新聞特約記者陳惠芳報道）