中年好聲音3｜郭偉亮狠評「養豬人」組走音又甩嘴

娛樂 2024.12.27 19:17:57

分享至 :

【點新聞報道】《中年好聲音3》將於周日（29日）晚上8時30分播出新一集，評審團除了固定班底外，還有Eric Kwok（郭偉亮）將出任嘉賓評審，谷婭溦、韋綺姍和謝文雅擔任導師，還有兩位資深音樂人張崇德、張家誠出任團戰導師，賽前為選手給予意見。

除了香港賽區、大灣區及新馬賽區32位選手成功晉級之外，3位新馬區及大灣區選手亦被復活，分別是兩位大灣區「我最喜愛選手」杜閱和陳嘉琦，以及新馬區「我最喜愛選手」劉家溢。新一回賽制，35位選手分為7組作賽。每組表現各有特色，其中最搶焦是任職舞蹈老師的「翻版沈震軒」李創偉帶領組員演出的快歌《大熱》一組，5人穿着黑紅色戰衣上陣，跳出框架落力演出，尤其因觸電意外雙臂截肢的李金凱，大膽挑戰唯一的快歌，意志和膽識令人敬佩。

周國豐表示，很欣賞李金凱跳出舒適圈這份精神，但勸他切勿亂挑戰自己。同組的「翻版譚詠麟」楊炳德亦成為評審焦點，肥媽直言：「冇諗過假譚詠麟可以咁跳，好有隊形！」Eric亦大讚：「幾鍾意譚詠麟版嘅《大熱》，唔係妖，而係機械版黑武士，好用力。」

相反，「養豬人」胡家健帶領下演繹的《知心當玩偶》似乎相當強差人意，Eric直指走音甩beat之餘，更狠批台風「騎呢」：「家溢跳舞，好似睇緊漫畫咁；家健，好似有隻蚊嬲緊佢；春茹，好似日本公仔睇唔到眼白；唯獨爭偉倫，高大靚仔，騎呢唔到。不過就係四個都騎呢，忽然有個唔騎呢，就更加騎呢，成件事冇一個合體！」張佳添也指胡家健舞蹈最生硬，娛樂性拍得住《中年2》的譚輝智。而當晚將繼續進行殘酷淘汰，有5位選手將會被淘汰。