點新聞 ｜ 每日點新聞 點解香港事

【點新聞報道】六合彩1億元「新年金多寶」周四（2日）攪珠，雖然頭獎無人中，但有幸運兒在社交平台分享，買了70元的複式電腦飛，結果中咗4個字，奬金為2080元，「即時派左彩啦，做埋善事添啦」。

周四「新年金多寶」的攪珠結果是9、23、42、44、45、46，特別號碼22。該名幸運兒日前在fb群組「齊齊研究六合彩！」以「買電腦飛，完全無睇過，啱啱一對先發現好攪笑」為題發文，並上載70元的複式電腦飛，冧把分別為14、41、42、43、44、45、46，結果中了42、44、45、46共4個字。樓主表示，奬金為2080元，「即時派左彩啦，做埋善事添啦」。

不少網民恭喜樓主中複式四個字，「好少電腦飛出呢啲number」、「電腦飛先至多連號」，樓主就在留言分享中奬感受，表示「所以我一睇都覺得好好笑，咁都可以中4個字，真係可以講好彩」、「因為自己一定唔會揀」、「但連6個我都係第一次，仲要咁樣中4個」、「呢啲運氣嘅野，買全餐就未必係呢幾個號碼嚟」、「 開頭以為係（幻覺），收錢後發現唔係」「有時有啲嘢真係永遠都估唔到」、「真係全靠運氣，無得講嘅」。

有網民則驚訝「原來電腦都會咁出，如果喺app出咁樣運財號碼我會再揀過，但如果下次再出三連號碼照買」，樓主回應「我都係呀，所以我係櫃枱買」。

新一期六合彩將於1月7日（星期二）舉行，截止售票時間為當晚9時15分。累積多寶超過1.02億元，估計頭獎基金高達1.28億元。