點新聞 ｜ 每日點新聞 點解香港事

【點新聞報道】有大叔對移民英國充滿幻想，但就連英文都唔識，所以十五十六，仲未揸定主意，上網求「圍爐」反被勸退。

該名大叔在fb群組「從零開始移民英國：香港人圍爐區」發文，自稱「又係徬徨的我」，話自己係一對年過60夫婦，唔點識英文，手持200萬港幣，求教同路人「是否適合移英」喎。

結果立即被同路人勸退，「唔適合囉」、「移民去泰國三線城市或者會更啱你哋，1)平2)暖」、「英國一年有10個月都好Q大風同好凍，我諗老人家未必適應到，同英國去邊到都要揸車，最重要係英國無乜好做最多都係屋企數手指，唔可以好似香港咁得閒又返下內地，一年又去幾次日本，喺英國唔識英文都係一大難題」、「真心有兩球去大馬同泰國好過有咩事飛返香港都係幾個鐘」。不過，大叔一口拒絕，聲言「我唔鍾意嗰度」，又話「我已經冇返內地好耐，我冇去日本好耐」，又直認自己是一個麻煩的人。

惟同路人仍苦口婆心勸說，「係一定要有基本英文溝通先可以，唔係叫天不應地不聞，電話翻譯都係救到你六成」、「不是阻止你，只係想你考慮清楚，擔心你去到以後同你所諗嘅好大出入，擔心你受唔住，去與唔去，我都尊重你嘅決定」。大叔就在留言區回覆，指自己在港有樓收租，「放心我大個㗎喇」。