【點新聞報道】香港華語片史上最高票房的《破·地獄》上映踏入第十一個星期，最新港澳累積票房數字突破1.58億。昨日（19日）導演陳茂賢、許冠文（Michael）及衛詩雅（Michelle）現身出席謝票。許冠文希望電影超越2.2億票房的《復仇者聯盟：終局之戰》，冀觀眾再次又再次入場支持。他笑言望《破·地獄》票房收2.2億，寓意香港人打破任何困難，並語重心長祝願香港人及香港電影同樣向好。
Michael說：「我同好多香港人一樣，一生都希望進步同埋破紀錄，一生人都曾經追求過幾次，喺呢位天才洋溢嘅導演（陳茂賢）嘅作品又令到我再感受到一次。不過今次未破得哂，仲有6000萬左右就可以破到香港所有電影嘅紀錄，嗰部係2億2千萬票房嘅《復仇者聯盟：終局之戰》，如果大家已經睇咗四次，唔爭在睇夠八次。呢個唔只係我嘅夢，如果香港可以有一部2億2千萬票房嘅香港電影，咁就證明香港人可以做哂任何野，雖然暫時環境比較惡劣，不過我哋好快就可以破任何困難，任何嘅紀錄。」
許冠文現身謝票外，更為同場的Michelle帶來一支酒作結婚禮物，Michael表示事源自己下月跟家人外遊，未能親身出席她的婚禮，因此提早送禮表達心意。許冠文更笑言：「之前我個女嫁之前，我都係同佢開咗支酒分享心事，仲同佢講咗好多男人嘅秘密，不過就唔方便喺呢度講，哈哈！」Michelle接過許冠文的禮物更眼泛淚光，她指：「好多謝Michael San，感覺真係多咗一個阿爸，好感動，我同Michael San個女一樣都係咁啱叫Michelle，所以特別有一份親切感。」
至於同場的導演陳茂賢說：「拍攝時因為每位演員都好專注演出，每場都要投入情緒，所以嗰陣其實大家都未有好多機會傾計，反而係拍完電影一齊經歷密集式宣傳，又多啲時間互相了解，所以形成咗呢股凝聚力。」
（點新聞特約記者陳惠芳報道）
收藏
取消收藏
分享
