點新聞 ｜ 每日點新聞 點解香港事

【點新聞報道】羅耀輝執導的賀歲片《祥賭必贏》，昨日（1月25日）舉行名人優先場，吸引眾多明星好友及導演到場支持。主演蔡卓妍（阿Sa）、張繼聰、朱栢康（朱康）、吳家忻（Kayan）、特別客串的謝安琪（Kay）聯同導演羅耀輝現身，而出席嘉賓包括容祖兒（Joey）、蔡一智等。

阿Sa相隔多年再拍港產喜劇，作為閨密的Joey當然要來支持，阿Sa更笑指Joey今次順道來捧朱康場，三人合照時，朱康竟怕醜仔上身，更大嗌腳軟。入場後Joey更在觀眾席影住朱康，阿Sa還助慶大叫：「我同祖兒都覺得朱康好靚仔呀！」

早於名人場，兩位主角阿Sa和阿聰全日經已走訪多場謝票，阿聰笑言二人組成謝票組合「Louisa」。提到票房理想有何福利回饋影迷，阿聰笑指：「我同阿Sa會負責決策，即係會揀邊條泳褲同泳衣畀Kayan、Stanley、朱康，為大家着想顏色都會揀偏向通透嘅，哈哈！」又笑指朱康恨派福利。朱康、Kayan亦都預告新年期間會參與謝票，Kayan揚言要拖篋向觀眾逗利事。

連同首映及這晚名人優先場，《祥賭必贏》已斬獲大量觀眾好評，欣賞電影爆笑之餘，故事亦帶出溫情訊息。電影將於1月28日年廿九正式上映，阿Sa及Kayan當日更將現身戲院謝票，影迷記得留意電影社交平台公布詳情。

（點新聞特約記者陳惠芳報道）