臨時決鬥｜6場謝票臨時送「金」　梁詠琪包場請歌迷睇戲

【點新聞報道】賀歲電影《臨時決鬥》今日（28日）公映，電影公司在今日六場謝票臨時送「金」，每場謝票送出由六福珠寶贊助18K白金珍珠鑽石頸鍊，並由導演麥啟光主持，現場觀眾包剪揼決勝負送出，場面緊張熱鬧。

電影《臨時決鬥》由古天樂、梁詠琪、王丹妮、周秀娜、胡子彤、張文傑、陳湛文、楊詩敏（蝦頭）、伍允龍、喬靖夫、王尹菁、王頌茵、陳獻略、陳慧敏、陳楨怡及吳梓熙等演出，是以高質素打造的一出熱血、動作、搞笑，極具娛樂性的2025港產賀歲片，電影已火熱上映。

女主角梁詠琪（Gigi）率師弟陳獻略（Henry），聯同導演麥啟光在年廿九團年飯前謝票，Gigi更包場，請一班歌迷、圈中好友及電視劇《反起跑線聯盟》兄弟姊妹齊齊團年睇戲，GiGi說：「好鍾意拍賀歲片就係一班人開開心心可以過年睇戲，希望多啲觀眾入場，激活香港電影。」心水清的Gigi，更提醒胡子彤首日票房已過40萬元，記得準備短褲仔履行承諾，非常搞笑。

由掌賞綜藝集團有限公司製作的《臨時決鬥》今日熱映，Gigi帶同第一次參與謝票的Henry在食團年飯前連謝六場，Gigi說：「好開心，好似其中一個鍾意拍賀歲片原因，係帶有使命感，新一年帶到開心畀大家，攞個好意頭，返去全年開開心心。」而第一次謝票的Henry說：「自己第一次謝票，第一次同咁多觀眾睇完一齊討論電影，感覺好好玩。」

六場謝票中，其中一場是Gigi邀請一班電視劇《反起跑線聯盟》好友，包括導演劉偉恒、朱鳳嫻、袁富華、周家怡、陳欣妍、梁業、練美娟等團年兼看電影，Gigi 說：「好耐冇拍賀歲片，想請大家嚟感受吓新年氣氛，同埋大家好記得我爆炸頭打麻雀嘅角色，好想可以再有一個角色衝破到。」新年期間Gigi會同老公家人出埠放假，而Henry就會藉假期順便減肥，以準備迎接夏天。