阿Sa關智斌炒熱全場　陳慧嫻尾場狂收利是

【點新聞報道】陳慧嫻40周年演唱會，於昨日（30日）大年初二再啟市，亦是演唱會的尾場，慧嫻請來蔡卓妍及關智斌來當嘉賓，三人唱爆《跳舞街》外，阿Sa（蔡卓妍）、Kenny（關智斌）兩人更大唱應節歌《你最紅》，觀眾全部起身跟着他們又跳又唱，又向他們大派利是，充滿歡樂新年氣氛。

慧嫻唱畢第一part，即向觀眾拜年，「今日大年初二，恭喜發財！恭喜發財！ 祝大家新一年成年大吉！身體健康 ！心想事成、生意興隆！信心順遂！每日都笑口常開！好唔好！夠唔夠呀? 我覺得未夠！我要大家中六合彩 ！哈哈！」令全場觀眾開心到飛起。慧嫻又謂：「呢一個四十周年嘅最後嘅一場演唱會，又係呢個紅館嘅第一個演唱會呀！我想睇下你哋今晚嘅嗨嗨指數究竟有幾高！」觀眾即報以雷動歡呼。慧嫻更同觀眾握手，「尾場啦！今晚唔駛咁緊張啦，可以握手呀！」觀眾即衝向前排，開心到飛起，並且紛紛為她送上利是祝福，慧嫻收唔切就由Dancer朋友代手，握手時她亦無忘叫大家小心，唔好推撞。

慧嫻尾場大贈送，加多了三首歌，《玻璃窗的愛》《與淚抱擁》《love me once again 》，全場觀眾一齊大合唱，氣氛high到頂點，完滿結束這6場演唱會。

慧嫻接下來休息，終於可以與家人食飯共慶新春，她三月會到澳門開始巡迴演出。

（點新聞特約記者陳惠芳報道）